Omisiuma yaNakambale nehala lyomavululukilo, otayi gandja efano lyomithigululwakalo dhAawambo nonkalo yAasoomi moNamibia. Momisiuma omu na iiyulikwanima, omafano nomishangwa. Iinima ayihe ohayi fatululwa nawa meulikolo lyaatalelipo yongeleki yaNakambale negumbo lyOshindonga. Oto vulu wo okulala mondunda yegumbo lyOshindonga, nenge wu lale muyimwe yomootenda ntano oompe ndhoka dhi li pooha dhegumbo lyOshindonga.
Ngele owa hala okutseya oshindji kombinga yomutumwa Nakambale, kombinga yongeleki, nokombinga yondjokonona yaNamibia noyomithigululwakalo dhOshiwambo, omisiuma oyo yimwe yomomahala ngoka wu na okukala wa talela po. Momisiuma omu na iiyulikwanima , omafano nomishangwa.
Pomisiuma yaNakambale otovulu okulala mondunda yegumbo lyOshindonga, nenge pooha dhegumbo lyOshindonga moontenda dhokulala, ngoye oto vulu wo okudhika otenda yoye pomusiuma pehala lyambwalangandja nawa.
Egumbo lyOshindonga ndyoka lya dhikikika olyo omisiuma ku lyo yene. Megumbo lyOshindonga ndyoka oto vulu okulila mo iikulya yopamuthigululwakalo noku ulukilwa iilonga yopamuthigululwakalo yoshiwambo.