Omisiuma yaNakambale oya li ya egululwa pOlukonda muMai mo1995 noyi li oshilyo shEhangano lyomisiuma muNamibia. Omisiuma oya lukilwa Marrti Rautanen omutumwa Omusoomi, ngoka a li a kala mOlukonda, nokwa li alukwa edhina Nakambale kaakalimo yomOlukonda oshoka okwa li ha kala a zala egala komutse gwe lya fa okambale. Momisiuma omu na iiulikwanima nomafano ogendji nooteksti kombinga yaatumwa Aasoomi nomithigululwakalo dhOshiwambo. Omisiuma oyi li metonatelo lyOngeleki Onkwaevangeli palutheriEvangelical Lutheran Church in Namibia (ELCIN).
Iiyulikwanima yongeleka mbyoka tayi adhika momisiuma.
Iiyulikwanima yaNakambale mbyoka tayi adhika momisiuma.
Iiyulikwanima yopamuthigululwakalo gwOshiwambo tayi adhika momisiuma.
Omundohotola Martti Rautanen (Nakambale) okwa li omutumwa Omusoomi ngoka a valelwe momumvo 1845 nokwa hulitha momumvo 1926, nokwa kalele mOlukonda uule womimvo odhindji. Omundohotola Rautanen okwa tseyikila iilonga ye yokulundululila Ombimbeli mOshindonga. Momumvo 1889, omuhongi Nakambale okwa li a tungitha etungo lyotango lyongeleka pOlukonda, mOnooli yaNamibia, nomomumvo 1992 epangelo lyaNamibia olye ga ulike noku ga ndhindhilika, opo ga ninge omandhindhilikwahala gopashigwana.
Omundohotola Martti Rautanen (Nakambale)
Ombimbeli yOshindonga ndjoka a shanga.
Tatekulu Nakambale pamwe nomukulukadhi gwe Frieda nomwanakadhona Johanna
Miishana iiwawawawa yomolundume lwaNamibia, mokati komilunga, omapya gomahangu nomagumbo gOshiwambo, omo moka omuntu to adha Olukonda. Olukonda olu li moshitopolwa shaShikoto monooli yoshilongo shaNamibia nolwo lumwe lwomomahala gotango getumo mOwambo
nolwa dhikwa po momumvo 1871. Pethimbo alihe lyuukoloni wAndowishi muNamibia, Olukonda olwa kala ongoshinenelando shomuumbangalantu woshilongo. Okuza 1880, Olukonda olwa kala ehalagumbo lyomutumwa Marttin Rautanen (Nakambale) sigo okeso lye momumvo
1926. Olukonda olu li mOndonga nohamu adhika Aandonga haya popi Oshindonga.
Opo wu vulu okuthika kOlukonda nuupu, oto landula owala ondjila yoteya yokuza mOshomeya ookilometa 250. Olukonda olu li ookilometa 195.8 okuza mEtosha, nolu li ookilometa 512 okuziilila kEgwo lyomeya lyaRuacana.
Opo wu thike pOlukonda nopomisiuma yaNakambale, uuna to ziilile kuushimba ookilometa 8 manga inoo adha mOndangwa, lengalenga kolumoho lwondjila, okapulakata ka nyolwa Olukonda (D3629), take ku ulike wu ye nondjila yokolumoho. Landula ondjila ndjoka uule
wookilometa 5, sigo wa mono ongeleka yaLukonda, mpoka to mono endhidhiliko lyomisiuma.
Okapulakata taka ulike ondjila yu uka kOlukonda.
Okapulakata taka ulike ondjila yu uka komisiuma yaNakambale
Okapulakata taka ulike omatungo gomisiuma yaNakambale